中国语文科第三学习阶段.docx
- 文档编号:11504040
- 上传时间:2023-03-02
- 格式:DOCX
- 页数:8
- 大小:19.68KB
中国语文科第三学习阶段.docx
《中国语文科第三学习阶段.docx》由会员分享,可在线阅读,更多相关《中国语文科第三学习阶段.docx(8页珍藏版)》请在冰豆网上搜索。
中国语文科第三学习阶段
中國語文科第三學習階段
活動名稱
語氣呀。
呵!
呢?
學習重點
指導學生辨識說話者的語氣
使用說明
1.本課業之聆聽材料按粵語書寫,教師可依據課堂需要及學生程度,斟酌選用及修訂。
2.建議利用簡報「語氣呀。
呵!
呢?
」帶領活動的進行。
先播放投影片1-12,按學生的能力,從語感(對於語言文字心理上的反應)、用詞、語調,及留意上文下理等方面,協助學生辨識說話者的語氣,理解實際語意。
3.播放投影片13-15前,建議把學生分成三至五人小組,讓他們通過討論,選擇答案。
每完成一題,由其中一組學生匯報,另一組學生評論。
4.學生選擇答案或評論對錯時,均須提出理據,指出各選項表示什麼語氣,流露怎樣的感情。
學生的答案或解說合理即可接受;教師可借助答案解說,就學生的表現提供回饋。
建議配合運用的教學資源
簡報「語氣呀。
呵!
呢?
」(附聆聽材料)
備註
1.為方便插入錄音聲帶,本課業有關簡報以軟件Flash製作。
2.教師可按課堂時間及學生需要,把本課業與另外兩個課業「話中有話」及「蒙娜麗莎密碼」結合,分兩次或選取部分資料進行有關的學與教活動。
3.各練習題均附答案及解說,教師亦可按學生的能力,讓他們於課堂外自行完成有關練習。
語氣呀。
呵!
呢?
辨識說話者的語氣
聆聽材料
簡報4:
(女聲按語氣讀出)
(語氣:
愉快)搞咗咁耐,終於出倒機票,可以同屋企人一齊去日本,度過一個我恨咗好耐白色聖誕喇!
(語氣:
憤怒)有冇搞錯呀?
次次叫你做嘢,你諗都唔諗就應承,但最後乜都做唔成。
我以後都唔會再信你嘞!
(語氣:
憂慮)激嬲咗美美,唔知佢會唔會唔睬我,唔同我做朋友呢?
如果我向佢道歉,唔知佢會唔會原諒我呢?
唉,點算好呢?
簡報5:
(男女聲相隔按語氣讀出,□內話語讀重音;第二段說話須以十多歲年輕人的聲音讀出)
(語氣:
驚慌)樓上火燭呀,好…好大火……好得人驚呀!
樓梯又好…好大煙,行…行唔倒,點……點…點算呀?
(語氣:
遺憾)我其實好想同你一齊去賣旗,可惜學校規定要十五歲至可以參加,我仲差兩個月至夠呀,惟有等出年喇!
(語氣:
不滿)你講到呢間餐廳好好,我就唔同意嘞!
點解?
除咗食物麻麻之外,伙記服務態度仲好差啫!
簡報6:
(男聲按語氣讀出,□內話語讀重音)
(語氣:
表示難過→幸災樂禍)你用咗咁多心機準備呢個活動,結果落大雨搞唔成,我梗係戥你唔抵啦。
唉,個天點解要對你咁慘忍呢-可──
(語氣:
稱讚人→諷刺人)捐錢呢樣嘢多多益善,少少無拘。
所以,佢諗咗一輪,終於答應捐十蚊咁多,當然都算係慈善家啦!
(語氣:
答應→拒絕)你叫到,我真係好想幫你!
之不過,我而家好忙,好唔得閒。
遲啲啦,遲啲啦,遲啲你再嚟搵我,我一定幫你!
簡報7及8:
(女聲按語調讀出)
(語調平穩)如果你冇乜意見,我哋就去睇戲。
(語調上揚)點解你又遲到?
唔通又係鬧鐘壞咗?
(語調下降)醫生建議佢快啲去美國做手術,如果唔係……,不過手術費要成十萬蚊,佢冇咁多錢,唉!
(語調轉折)我唔係唔相信你,之不過,件事真係有好多、好多巧合,好多、好多疑點噃!
簡報9:
(女聲按語調讀出)
(語調平穩:
陳述事實)佢整壞咗我部電腦。
(語調下降:
懊惱,無奈)唉!
佢整壞咗我部電腦。
(語調轉折:
誇張,引人注意)佢整壞咗我部電腦呀!
(語調上揚:
疑問,情緒激動)吓,佢整壞咗我部電腦?
簡報10:
(女中學生聲音按語氣讀出)
(語氣:
難過、無奈)唉,何老師今日番唔倒學,都可以話係好事嚟!
簡報11(情境一):
(女中學生聲音帶感情讀出)
(語氣:
難過、無奈)何老師喺我哋學校教咗五年,從未請過假,即使呢排把聲沙晒,佢都照樣番學;所以何老師今日突然冇番學,大家都覺得好奇怪,仲有啲擔心。
趙老師嚟代堂時候,話俾我哋聽原來何老師聲帶充血同埋水腫,食藥之外,最需要係俾聲帶好好休息,唔好講嘢,如果唔係,可能會形成聲帶息肉甚至腫瘤,咁就要做手術,相當麻煩。
何老師熱心教育,教書時候聲如洪鐘,好似想將每個字、每句說話釘喺我哋個腦度,真係好容易令聲帶受傷。
今次聲帶罷工抗議,都係提醒佢要好好休息,好好保養身體。
唉,何老師今日番唔倒學,都可以話係好事嚟!
簡報12(情境二):
(女中學生聲音帶感情讀出)
(語氣:
難過、無奈)何老師今日請病假,由趙老師代堂。
當我哋專心做工作紙時候,突然聽到嘭一聲,好大聲,原來隔籬大廈一塊石屎跌咗落何老師平日泊開車個車位度,而校工陳伯隻狗咁啱趴喺嗰度曬大陽,結果……。
我哋以後都聽唔倒多利吠聲喇,陳伯同埋我哋一班同學都好唔開心;但如果何老師今日唔係請病假,咁就有可能……。
唉,何老師今日番唔倒學,都可以話係好事嚟!
簡報13(聽一聽‧一):
旁白(女):
一個年輕人愁眉不展,埋怨自己又窮又唔快樂。
一位老人家咁同佢講:
老人(男):
(語氣:
衷心,帶鼓舞性)窮?
唔係呀!
你好富有,應該好快樂至係。
年輕人(男):
(語氣:
憤激)你喺度諷刺我呀?
老人(男):
(語氣:
反問)假如我用一千蚊交換你一隻手指,你願唔願意?
年輕人(男):
(語氣:
決絕)梗係唔願意啦!
老人(男):
(語氣:
反問)咁如果我用一萬蚊交換你一隻手呢,你又願唔願意?
年輕人(男):
(語氣:
決絕)都唔願意!
老人(男):
(語氣:
反問)咁如果我用一百萬交換你青春,要你即刻變成一個八十歲伯爺公,你又願唔願意?
年輕人(男):
(語氣:
決絕,有點反感)唔願意!
老人(男):
(語氣:
反問)咁嘞,我用一千萬交換你生命。
好多錢喎,你願意喇罷?
年輕人(男):
(語氣:
負氣)點可能願意!
老人(男):
(語氣:
平和親切)咪囉!
你四肢健全,年青力壯,就等如擁有超過一千萬財富啦,又駛咩喺度唉聲歎氣,話自己窮呢?
年輕人,開心啲、積極啲啦!
旁白(女):
年輕人起初擘大個口,唔知講乜好;後嚟,佢好似諗倒啲乜咁,「哦」咗一聲。
你認為佢會用乜嘢語氣講出呢個「哦」字呢?
旁白(女):
A
年輕人(男):
(語氣:
陳述事實;語調平穩)哦。
旁白(女):
B
年輕人(男):
(語氣:
滿腹狐疑;語調上揚)哦?
旁白(女):
C
年輕人(男):
(語氣:
加倍感慨;語調下降)哦……
旁白(女):
D
年輕人(男):
(語氣:
恍然大悟;語調轉折)哦!
旁白(女):
答案係D。
老人家多次發問,並唔係要為難年輕人,而係想提醒佢,健康同青春都係佢財富,佢人生其實充滿希望,唔應該唉聲歎氣。
所以,年輕人回應,唔應該只係A,語調平穩,好似講緊一啲同自己無關事咁;亦唔係C,因為得倒老人家鼓勵,佢唔應該再咁傷感;又唔會係B,好似唔明白老人家意思咁。
年輕人起初愕然無語,然後心有所悟咁回應老人家,所以,答案係D。
簡報14(聽一聽‧二):
旁白(女):
有三個工人喺度砌牆,有人問佢哋喺度做緊乜嘢。
三個工人答案都唔同,好明顯,第一個工人認為自己工作簡單重複,枯燥乏味;第二個工人以快樂心情面對睇嚟簡單工作;第三個工人喺簡單工作中建構自己夢想。
你聽聽下面四段說話,然後指出邊段說話係第一、第二或第三個工人所講。
旁白(女):
A
工人甲(男):
(語氣:
沒好氣地)你睇唔倒咩?
喺度砌緊牆囉,日日都係咁做喇,有乜出奇!
旁白(女):
B
工人乙(男):
(語氣:
傷悲,沒希望)喺度砌緊牆啩,其實我都唔知自己喺度做緊乜,唉!
旁白(女):
C
工人丙(男):
(語氣:
興奮而滿有希望)哦,我喺度砌緊牆,起緊一幢好宏偉大廈。
你知嘛,我起呢座大廈將會成為城市新地標!
旁白(女):
D
工人丁(男):
(語氣:
高興)我喺度砌緊牆,砌完牆仲要做其他嘢,相信座大廈應該好快就起好喇!
旁白(女):
第一個工人講說話係A,而唔係B。
從A嗰段說話,感受倒工人認為工作乏味,日日如是,但未至於B咁消極,甚至迷惘,唔知自己喺度做緊乜。
第二個工人講說話係D,佢用樂觀心情面對工作,相信一切進展順利,語氣自然輕鬆;至於第三個工人講當然係C,佢將自己面前簡單工作連繫到一個夢想,一座宏偉大廈、一個城市新地標好似已經喺佢面前咁,因此,語氣充滿希冀。
簡報15(聽一聽‧三):
旁白(女):
羅斯福第四次連任美國總統時候,接受一名年輕記者訪問。
記者問羅斯福:
記者(男):
(語氣:
平和有禮)總統先生,請問你對今次連任有乜嘢感受?
羅斯福(男):
(語氣:
平和有禮)請先食件餅,我哋一陣間慢慢傾。
旁白(女):
記者食完餅,準備開始訪問,點知羅斯福總統請佢再食多件餅。
記者都好樂意,因為啲餅實在好好味。
食完第二件餅,記者仲未放低隻叉,羅斯福總統又請佢再食多件餅。
記者已經好飽,但唔好意思拒絕總統好意,於是免為其難,再食多件餅。
諗住,食完第三件餅,都可以開始訪問喇啩?
點知食完第三件餅……
羅斯福(男):
(語氣:
明知故問,另有所指)年輕人,啲餅係咪好好味呢?
再食多件啦!
記者(男):
(語氣:
急着解釋,有點無可奈何,卻仍然得體,而不是垂頭喪氣或情緒激動)夠喇,夠喇!
食咗三件夠喇!
真係唔想食第四件……
旁白(女):
羅斯福總統跟住笑笑口咁同記者講……。
你諗吓佢會講啲乜?
語氣會係點?
旁白(女):
A
羅斯福(男):
(語氣:
陳述事實;語調平穩)我做咗三任總統,而家做第四任,都冇乜特別感受;咪繼續做,好似有餅食就繼續食咁囉。
旁白(女):
B
羅斯福(男):
(語氣:
輕鬆自得;語調轉折)我做咗三任總統,而家要做第四任,就好似你要食第四件餅咁,你應該明白我感受啦!
旁白(女):
C
羅斯福(男):
(語氣:
不滿;語調上揚)我做咗三任總統,再做多一任,感受梗係好好啦。
但啲餅咁好食,叫你食多件你都唔食,感受就好差嘞!
旁白(女):
D
羅斯福(男):
(語氣:
自憐自歎;語調下降)做咗三任總統,仲要做第四任,你話我可以有乜感受?
就算啲餅幾好食,食唔落又點食?
係咪?
旁白(女):
答案係B。
羅斯福總統被問及連任感受,佢用幽默方法暗示出嚟。
所以,佢語氣應該好輕鬆自在,而唔會係A,言歸正傳,表示自己冇乜特別感受;更加唔會係C,發晒脾氣表示不滿;亦都唔係D,自憐自歎,好無奈咁。
- 配套讲稿:
如PPT文件的首页显示word图标,表示该PPT已包含配套word讲稿。双击word图标可打开word文档。
- 特殊限制:
部分文档作品中含有的国旗、国徽等图片,仅作为作品整体效果示例展示,禁止商用。设计者仅对作品中独创性部分享有著作权。
- 关 键 词:
- 中国 语文 科第 学习 阶段